"Барселона" клуби бугун кечқурун "Бетис"га қарши ўйиндан сўнг Хави Эрнандеснинг бош мураббий сифатида истеъфога чиқарилганини эълон қилади.

Mundo Deportivo'нинг хабар беришича, "Барселона" Флик ёрдамидан фойдаланиб, "Бавария" ярим ҳимоячиси Жозуа Киммихни жамоага қўшиб олмоқчи. 

Айнан таянч позицияси бу мавсумда "кўк-анорранглилар"нинг заиф томонларидан бири бўлди ва кейинги мураббий ким бўлишидан қатъи назар, бу нуқтани кучайтириш клуб учун устувор вазифа бўлади.

Ҳозирча "Барселона" агар клубнинг FFP шартлари имкон берса, Ориол Ромеу ўрнига Гидо Родригесни ўз сафига қўшишга тайёрланмоқда.

Аммо Киммих каталонияликларга бу лавозимда жуда ёқадиган яна бир футболчи ва унинг шартномаси 2025 йилда тугайдиган бўлса, уни ёзда "Бавария"дан олиб кетиш унчалик қийин бўлмаслиги мумкин.

Киммих Флик “Бавария” клубида мураббий бўлганида ҳам, Германия терма жамоасини бошқарганида ҳам унинг қўл остида ўйнаган эди.