Германия Суперкубоги учун баҳсда “Байер” “Штутгарт”га қарши майдонга тушади.
Ўйин 17 август куни бўлиб ўтади, учрашув жойи ҳали аниқланмаган.
Леверкузенликлар бу ўйинда Бундеслига чемпиони ва 2024 йилги Германия кубоги ғолиби сифатида, швабияликлар эса миллий чемпионат кумуш медали соҳиблари сифатида иштирок этишади.
«Штутгарт» бир марта, 1992 йилда Германия Суперкубогини қўлга киритган. Бунгача “Байер” бундай баҳсда фақат 1993 йилда иштирок этган, ўшанда “Вердер”га ютқазган (2:2, 6:7).
Суперкубокдаги ғалабалар бўйича рекордчи "Бавария" (10 марта). Сўнгги суперкубок баҳсида "РБ Лейпциг" 2023 йилда мюнхенликларни 3:0 ҳисобида мағлуб этганди.
