25 май, шанба куни “Реал” лиганинг 38-тури доирасида ўз майдонида “Бетис”га қарши баҳс олиб борди. Ўйин 0:0 ҳисобида якунланди. Мадридликлар дарвозасини Тибо Куртуа ва Кепа Арризабалага навбат билан қўриқлади.
Биринчи бўлимда “Бетис” ўйинчиси офсайддан гол урди. Ушбу эпизодда Куртуа унчалик ишончли ўйнамади, бу ҳақда унга танаффус вақтида жамоа бош мураббийи Карло Анчелотти айтиб ўтди.
"Тибо, биз финалга етти кун қолганида бундай ноаниқликни кўрсата олмаймиз", - дея италияликнинг сўзларини келтиради Real Madrid Exclusivo.
Кўпчилик мухлис ва мутахассислар 1 июнь куни Дортмунднинг “Боруссия”си билан Чемпионлар лигаси финалида “Реал” сафида ким ўйнаши кераклиги ҳақида баҳслашишда давом этмоқда. Тибо Куртуа ёки мавсумнинг асосий қисмини асосий таркибда ўтказган Андрей Лунин.
