"Реал" бош мураббийи Карло Анчелотти вингер Винисиус Жуниор билан ишлаш ҳақида гапирди. Италиялик мутахассиснинг фикрича, бразилиялик футболчи қўл остида ўйнаган 3 мавсумда катта муваффақиятларга эришган.
“Биз Винисиус билан яхши иш қилдик. У ҳар жиҳатдан анча яхшиланди. Энди Винисиус шахсий ютуқлардан кўра кўпроқ Чемпионлар лигасида ғалаба қозонишга эътибор қаратмоқда", - деди Анчелотти матбуот анжуманида.
Винисиус “Олтин тўп”ни қўлга киритиш учун фаворитлардан бири саналади. Бразилиялик футболчи Испания чемпионатининг сўнгги мавсумида 15 та гол урди ва 5 та голли узатмани амалга оширди.
