Ла Лига президенти Хавьер Тебас "Реал Мадрид" президенти Флорентино Переснинг Суперлига иши бўйича судда қисман ғалаба қозонганидан сўнг гапирди.
"Кимдир сизнинг уйингизга бостириб кирмоқчи бўлса, сизни ўғирламоқчи бўлган одам билан музокара қилмайсиз. Флорентино Переснинг мақсади - Европада футболни энг бой ва энг кўп маблағга эга бўлган йирик клублар бошқаришдир. Қолганлари эса ўзларига берилган нарсадан хурсанд бўлишлари керак.
Флорентино билан менинг асосий фарқларим миллий ва Европа даражасидаги профессионал футболнинг мутлақо қарама-қарши иккита моделидир. Улар билан ҳеч қандай муроса йўқ, улар қора ёки оқ", дея Тебаснинг сўзларини келтиради AS.
27 май куни Мадрид суди Европа Суперлигасининг УEФА ва ФИФАга қарши даъвосини қисман қаноатлантирди, унда лига уларни ҳукмрон мавқеини суиистеъмол қилишда ва бозордаги эркин рақобатга тўсқинлик қилишда айблайди.
