Майамидан Лос-Анжелес шаҳрига учган бокс афсонасини фавқулодда госпиталга олиб кетишга тўғри келди.
Гувоҳларнинг айтишича, самолёт қўнишига ярим соатдан кўпроқ вақт қолган бир пайтда бортда шифокор борми деган эълон янгради. Натижада "Темир Майк" самолётдан тўғри тез ёрдам машинасида шифохонага олиб кетилган.
"Мистер Тайсонда ҳаммаси жойида. Қўнишимизга 30 дақиқада қолган бир пайтда Майкнинг ошқозондаги язваси, яъни яраси безовта қила бошлади. Бунинг натижасида бош айланиши, чанқоқдан оғиз қуриши ҳолатлари юзага келди. Бахтимизга ҳаммаси кўнгилдагидек ўтди. Самолёт бортида бизга биринчи ёрдамни берган, кейинчалик шифохонада ғамҳўрлик қилган тиббиёт ходимларига раҳмат айтамиз", - дея The New York Post нашрига маълумот берган Тайсоннинг вакили.
Ҳозирча, Майк Тайсон билан бўлиб ўтган воқеа унинг 20 июль куни Арлингтонда Жейк Полга қарши ўтказадиган жангига таъсир ўтказадими-йўқми, ҳозир бу маълум эмас.
