Германия терма жамоаси бош мураббийи Юлиан Нагельсманн "Реал" ярим ҳимоячиси Тони Крооснинг футболчилик фаолиятини якунлаш ҳақидаги қарори ҳақида фикр билдирди.
"У бу ҳақда узоқ вақтдан бери ўйлаётганди. Тонида исботлаш учун ҳеч нарса қолмади. Олдинда уни катта интиқлик билан кутаётган муҳим турнир турибди. Агар Германия Европа чемпиони бўлса, унда у барча қўлга киритиши мумкин бўлган совринларни ютган бўлади. Бу кетиш учун энг яхши вақт бўлади", - дея мутахассиснинг сўзларини келтиради Goal.com портали.
