Ўзининг уй учрашувларини Тошкентдаги "Пахтакор" стадионида ўтказаётган "Бухоро" клуби мавсумни муваффақиятсиз ўтказаётган "Қизилқум"га қарши ўйинда ўта қийин ғалабага эришди.

Зарафшонликлар кутилмаганда ўйинни фаол бошлашди ва биринчи бўлимдан сўнг бухороликларни 3:1 ҳисобида ортда қолдира бошлашди. Иккинчи бўлим бошида ҳисобни биттага қисқартириб олган "Бухоро", ўйиннинг сўнгги 2 дақиқасида "Қизилқум" дарвозасига 2та гол уриб, ғалабани ўз томонига оғдириб олди. Равшан Ҳайдаров шогирдлари эса биринчи бўлимни жуда яхши ўтказишганига қарамай, аламли мағлубиятга учрашди.

Ушбу натижадан кейин "Қизилқум" ҳисобидаги очколар ҳамон очилмаганлигича қолган бўлса, "Бухоро" ўз очколарини 6тага етказиб қўйди.

ОЛИЙ ЛИГА-2013. 4-ТУР.
"БУХОРО" - "ҚИЗИЛҚУМ" - 4:3 (1:3)
Голлар: Алишер Маҳмудов (30), Воҳид Шодиев (48), Баҳриддин Ваҳобов (88), Девид Ония (90) — Фаррух Ҳайдаров (12), Фаррух Шотурсунов (32), Яннис Мандзукас (40)