Лондоннинг «Тоттенхэм» ёзда таркибини янгилаши кутилмоқда. "The Sun" нашрининг хабар беришича, жамоа бош мураббийи Ангелос Постекоглу ёзги трансфер ойнасида 11 нафар футболчини жамоадан четламоқчи.
Ришарлисон, Пьер-Эмиль Хойберг, Жовани ло Чельсо, Брайан Хиль ва Эмерсон Рояль сотувга қўйиладиган дастлабки футболчилар бўлади. Биргина Ришарлисон учун «шпорлар» тахминан 70 миллион евро ишлаб олиши мумкин. Улар бразилиялик форвардни Саудия Арабистонига пулламоқчи.
Эслатиб ўтамиз, Постекоглу ўтган йилнинг ёзида Лондон жамоасини қабул қилиб олган. Унинг қўл остида «Тоттенхэм» АПЛ турнир жадвалида бешинчи ўринни эгаллади.
