"Реал"нинг собиқ сардори Серхио Рамос ижтимоий тармоқларга жамоанинг тўрт нафар футболчиси - Дани Карвахаль, Начо, Лука Модрич ва Тони Крооснинг суратини жойлаштирди. Уларнинг ҳар бири "Лос-Бланкос" билан 6 мартадан Чемпионлар лигасида ғолиб чиққан.
"4 та афсона, 24 та соврин. Табриклайман!" - деб пост қолдирди Рамос ўзининг ижтимоий тармоқлардаги саҳифасида.
Серхио Рамос ўн олти мавсумдан сўнг 2021 йилнинг ёзида "Реал"ни тарк этди. Ҳозирда 38 ёшли Рамос "Севилья" шарафини ҳимоя қилмоқда.
Эслатиб ўтамиз, шанба оқшомида Мадриднинг “Реал” клуби Чемпионлар лигаси финалида Дортмунднинг “Боруссия” клубини 2:0 ҳисобида мағлуб этганди.
