Мадриднинг "Реал" клуби ўтган мавсумда "Эспаньол"дан ижара олинган ҳужумчи Хоселу бўйича режалари ҳақида қарор қабул қилди.
The Athletic нашри хабарига кўра, раҳбарият испаниялик футболчини бир ярим миллион еврога доимий равишда сотиб олишга қарор қилган.
Эслатиб ўтамиз, Хоселу "Реал Мадрид"нинг Ла Лига ва Чемпионлар Лигасидаги ғалабасида муҳим роль ўйнади. 34 ёшли форвард чемпионатда 10 та гол урди, Чемпионлар лигасида эса ярим финалда "Бавария"га қарши ўйинда энг муҳим дубль қайд этиб, "Реал"га финал йўлланмасини тақдим этди. Хоселу дастлаб "Сантьяго Бернабеу"да қолишни хоҳлаган, аммо клуб уни сақлаб қолиш мақсадга мувофиқлигига шубҳа қилган. Гап шундаки, ёзда жамоага Килиан Мбаппе ва Эндрик ҳам келиб қўшилади.
