"Ливерпуль" дарвозабони Алиссон Беккер яқин ойларда жамоасини тарк этиши мумкин.
Team Talk маълумотларига кўра, Саудия Арабистони клублари бразилияликни нишонга олишмоқда. Аввалроқ Саудия клублари Бразилия терма жамоасининг яна бир дарвозабони - "Манчестер Сити"дан Эдерсон Мораэсни ҳам сотиб олмоқчи экани ҳақида хабарлар тарқалган эди.
"Сити" дарвозабони Алиссондан кўра Саудия Арабистонига кўчиб ўтишни ўйлаб кўради. Эслатиб ўтамиз, Беккер 2018 йилнинг ёзида Италиянинг “Рома” клубидан “Ливерпул”га ўтган эди. Шу вақт ичида дарвозабон ўз жамоаси билан барча мумкин бўлган совринларни, жумладан, Чемпионлар лигаси ва Англия премьер-лигаси совринини ҳам қўлга киритганди.
