"Ньюкасл" ярим ҳимоячиси Бруно Гимарайнш ёзги трансфер ойнасида кучлироқ клубга ўтиши мумкин.
Журналист Бен Жейкобснинг ёзишича, айни дамда бу трансфер учун "Манчестер Сити" фаворит ҳисобланмоқда.
Гимарайншнинг шартномасида товон пули тахминан 115 миллион еврони ташкил қилади. Футболчи Чемпионлар лигасида ўйнашни истайди ва Пеп Гвардиола жамоасига ўтишга мамнуният билан рози бўлади.
Эслатиб ўтамиз, Бруно хизматларига Лондоннинг “Арсенал” клуби ҳам қизиқиш билдирмоқда, аммо “канонирлар” бразилияликнинг трансфери учун катта маблағ сарфламоқчи эмас. Қайд этилишича, «Манчестер Сити» Гимарайнш атрофидагилар билан аллақачон алоқага чиққан.
