“Бавария” марказий ҳимоячиси Дайо Упамекано Франция терма жамоаси учун ўйинда жароҳат олди. 25 ёшли футболчи Люксембург билан ўртоқлик учрашувида (3:0) "уч ранглилар"нинг асосий таркибида майдонга тушди, аммо танаффусдаёқ уни Дидье Дешам Уильям Салиба билан алмаштиришга мажбур бўлди.
TF1 маълумотларига кўра, Упамекано чап сонида ноқулайлик ҳис қилгани учун уни алмаштиришни сўраган. Ҳозирча марказий ҳимоячининг жароҳати оғирлиги маълум қилинмади, яқин орада текширувлар ўтказилади.
9 июнь куни Франция терма жамоаси Канада билан ўртоқлик ўйини ўтказади, 17 июнь куни эса Европа чемпионатидаги иштирокини Австрия билан ўйинда бошлайди.
