Даниялик ҳимоячи Андреас Кристенсен ёзда Каталониянинг "Барселона" клубини тарк этиши мумкин, деб хабар бермоқда Todofichajes портали. 28 ёшли футболчида фаолиятини Англия Премьер-лигасининг топ-клубида давом эттириш имконияти бор.
Журналистларнинг ёзишича, “Манчестер Юнайтед” футболчи билан шартнома имзолаши мумкин. Кристенсеннинг трансфер нархи 40 миллион евро. Футболчининг "блауграна" билан амалдаги шартномаси 2026 йилнинг июнь ойи охирида тугайди.
Ўтган мавсумда Испания чемпионатида ҳимоячи 30 та ўйин ўтказиб, 2 та гол урди ва 2 та голли узатмани амалга оширди.
