Европа клублари ўз таркибларини кучайтириш устида ишламоқда. Calciomercato хабарига кўра, "Аталанта" ярим ҳимоячиси Тён Копмейнерс "Манчестер Юнайтед"нинг радарида. “Қизил иблислар” футболчи учун тахминан 60 миллион евро тўлашга тайёр.
Шу билан бирга, "Ливерпуль" бош мураббийи Арне Слот ҳам Копмейнерсни ўз сафида кўрмоқчи эканлиги таъкидланган. Нидерландиялик мутахассис ушбу футболчи билан АЗ Алкмаар клубида бирга ишлаган.
Аввалроқ, миш-мишлар 26 ёшли Копмейнерсни Италиянинг "Ювентус" клуби билан фаол боғлаган эди. 2023/2024 йилги мавсумда Тён 51 та ўйин ўтказиб, 15 та гол урди ва 7 та голли узатмани амалга оширди.
