"Ювентус" Аркадиуш Миликнинг жароҳати туфайли Альваро Моратани қайтаришга ҳаракат қилади.

Польшалик ҳужумчи Украинага қарши ўртоқлик учрашувида (3:1) тиззасидан жароҳат олди ва Европа чемпионатини ўтказиб юборади. Менискус муаммоси туфайли у кейинги бир неча кун ичида операция ўтказиши керак бўлади, бу эса тахминан олти ҳафталик тикланиш даврини талаб қилиши кутилмоқда.

Tuttosport хабарига кўра, шу фонда "Ювентус" 2014 йилдан 2016 йилгача ва 2020 йилдан 2022 йилгача туринликлар сафида ўйнаган Моратани қайтаришга умид қилмоқда.

Испаниялик ҳужумчининг "Атлетико" билан шартномаси 2026 йилнинг июнигача амал қилади. Агар у Турин клубига ўтса, ҳозирги маошини камайтиришга тўғри келади, аммо А Серияга қайтиш унга ва унинг оиласига мос келади, чунки у италияликга уйланган.