"Байер" ярим ҳимоячиси Флориан Виртц 2025 йилда жамоани тарк этиши мумкин, деб хабар беради Bayern & Germany нашри.
21 ёшли германиялик футболчининг оиласи билан учта клуб алоқада: "Бавария", "Манчестер Сити" ва "Реал". Мадридликлар ҳамон фаворит саналади.
Леверкузенликлар талаби камида 150 миллион евро.
Ўтган мавсумда "Байер" Германия чемпиони ва мамлакат кубоги соҳибига айланди. Европа лигаси финалида жамоа “Аталанта”га имкониятни бой берди (0:3).
Виртц 49 та учрашувда 18 та гол ва 19 та голли узатмага муаллифлик қилган.
