“Барселона” ва Испания терма жамоаси вингери Ламин Ямал навбатдаги рейтингда бир қатор юлдуз футболчиларни ортда қолдирди.

Transfermarkt портали маълумотларига кўра, 16 ёшли ўсиб бораётган юлдузнинг трансфер қиймати сўнгги бир йил ичида 0 дан 90 миллион еврогача ошган. Энг қиммат иккинчи ўринни ўтган ёзда "Манчестер Сити"дан "Челси"га ўтган Коул Палмер эгаллади - инглизнинг нархи 65 миллион еврога (15 миллиондан 80 миллионга) ошди. Учинчи ўринда “Реал”дан Жуд Беллингем – 60 миллион евро (бир йил аввалги 120 миллиондан 180 миллион).

Кучли бешликдан Виктор Дьёкереш (“Спортинг Лиссабон”, +52 миллион) ва Кобби Майну (“Манчестер Юнайтед”, +49,2 миллион) ҳам жой олди.