“Barselona” va Ispaniya terma jamoasi vingeri Lamin Yamal navbatdagi reytingda bir qator yulduz futbolchilarni ortda qoldirdi.

Transfermarkt portali ma’lumotlariga ko‘ra, 16 yoshli o‘sib borayotgan yulduzning transfer qiymati so‘nggi bir yil ichida 0 dan 90 million yevrogacha oshgan. Eng qimmat ikkinchi o‘rinni o‘tgan yozda "Manchester Siti"dan "Chelsi"ga o‘tgan Koul Palmer egalladi - inglizning narxi 65 million yevroga (15 milliondan 80 millionga) oshdi. Uchinchi o‘rinda “Real”dan Jud Bellingem – 60 million yevro (bir yil avvalgi 120 milliondan 180 million).

Kuchli beshlikdan Viktor Dyokeresh (“Sporting Lissabon”, +52 million) va Kobbi Maynu (“Manchester Yunayted”, +49,2 million) ham joy oldi.