Агент Федерико Пасторелло Меҳди Таремининг "Интер"га ўтиши ҳақидаги фикрлари билан ўртоқлашди.
31 ёшли футболчининг "Порту" билан шартномаси якунига етар экан, эркин агент сифатида "нерадзуррилар" сафига ўтади.
Келишув аллақачон якунланган ва расман тасдиқланган. "У "Интер"да ўйнашни интиқлик билан кутмоқда.
У анча олдин бу клуб фойдасига танлов қилган. Меҳди менинг мижозим эмас, мен фақат битимда воситачи бўлганман, лекин уни ажойиб йигит деб айта оламан.
Ишончим комилки, у жамоага яхши мос тушади ва мухлислар ундан жуда мамнун бўлишади”, - деди Пасторелло.
