22 июнь куни Саудия Арабистонида бўлиб ўтадиган UFC турнирининг асосий жангида россиялик жангчи Икрам Алискеров БАА вакили Ҳамзат Чимаев ўрнини эгаллайди.

Чимаев соғлиғи билан боғлиқ муаммолар туфайли австралиялик Роберт Уиттакерга қарши жангда қатнаша олмайди. 

Чимаев ва Уиттакер ўртасидаги жанг 22 июнь куни Ар-Риёдда бўлиб ўтадиган UFC Saudi Arabia турнирининг асосий сарлавҳаси бўлиши керак эди.

Аввалроқ жангчи Муҳаммад Эскирхонов ижтимоий тармоқларда Чимаевнинг касалхонада ётгани акс этган суратни чоп этган эди.

Кейинроқ UFC матбуот хизмати бўлажак жангда Чимаев ўрнига россиялик Икрам Алискеров майдонга тушиши ҳақида хабар берди.

Чимаевнинг менежери Маҳди Шаммаснинг айтишича, жангчи Уиттакерга қарши жангга тайёргарлик кўраётганда бир неча бор касалхонага ётқизилган. “Касаллик жиддий эди ва унга тайёргарлик кўришга имкон бермади.

У ҳеч қачон тиклана олмади, шу боис жангдан воз кечиб, касалхонага боришга қарор қилинди”, — деди Шаммас. Менежернинг сўзларига кўра, Чимаев касалхонага ётқизилганидан кейин бир неча ойдан сўнг тузалиб кетади.