Хорватия терма жамоаси бош мураббийи Златко Далич сардор Лука Модричнинг жамоага таъсирини юқори баҳолади. Эслатиб ўтамиз, Чемпионлар лигасининг олти карра ғолиби бугун ўз мамлакатини Евро-2024 гуруҳ босқичи 1-тури доирасидаги Испания терма жамоасига қарши ўйинда майдонга сардор сифатида бошлаб тушади.

“Лука Модрич – ғолиб, жамоа етакчиси. У жамоадошларини олдинга интилишни тўхтатмайдиган инсон. Мен унга қарайман ва бизни ажойиб турнир кутаётганига шубҳа қилмайман”, - деди Далич матбуот анжуманида.