Лондоннинг "Арсенал" клуби Испания Ла Лигасидан бир ҳужумчига кўз тикди. Гап "Атлетик Бильбао" ҳужумчиси Нико Уильямс ҳақида кетмоқда, унга "Барселона" ҳам қизиқиш билдирмоқда.
Football London нашри хабарига кўра, "канонирлар" ҳақиқатан ҳам 21 ёшли футболчини таклиф этиш ҳақида ўйламоқда. Бильбаонинг "Атлетик" клуби Уильямс учун 50 миллион евро миқдорида товон пули талаб қилмоқда, "Барселона" бу пулни тўлашга тайёр эмас.
"Арсенал" футболчининг ўзи билан келишувга эришса, трансферни амалга оширишга ҳаракат қилиши мумкин. Уильямс Испания чемпионатида ўтган мавсумни 5 гол ва 11 голли узатма билан якунлади. Аввалроқ футболчини Лондоннинг "Челси" клуби ҳам кузатиб келаётгани ҳақида маълумот пайдо бўлганди, бироқ Никонинг маош талаб қилиши “кўклар” раҳбариятини чўчитиб юборган.
