Ҳимоячи Дензел Дюмфриснинг "Интер" билан амалдаги шартномаси 2025 йилнинг ўрталарига қадар тузилган. Милан клуби эркин агент сифатида клубни тарк этган Милан Шкриньяр билан тарих такрорланишини истамайди. Шу сабабли, "нерадзуррилар" бу ёзда Дюмфрисни сотишга тайёр бўлишади.
La Gazzetta dello Sport нашри хабарига кўра, "Интер" 28 ёшли нидерландиялик футболчининг трансферидан 25-30 миллион евро ишлаб олмоқчи.
Дюмфрисга "Астон Вилла" қизиқиш билдирмоқда ва "Манчестер Юнайтед" аввалроқ футболчи ҳақида сўров юборганди. Ўтган йили Дюмфрис "Интер"дан 5,5 миллион евро маош сўраган эди. Кейинчалик футболчи томони талабларни пасайтирди, бироқ ҳалигача келишувга эришилмади.
