"Интер" ҳали Симоне Индзаги билан янги шартнома борасида келишиб олгани йўқ.

Миланликлар бош мураббийга шартномани 2026 йилгача узайтиришни таклиф қилмоқдалар, унинг агенти эса узоқроқ - 2027 йилгача бўлган шартномани талаб қилмоқда.

Томонлар тез орада музокараларнинг учинчи босқичини ўтказади. Индзагининг "Интер" билан амалдаги шартномаси 2025 йилда якунига етади.

Симоне Милан жамоасини 2021 йилдан буён бошқариб келмоқда. Унинг қўл остида “Интер” Италия чемпиони бўлди, икки марта мамлакат кубогини қўлга киритди ва уч марта Суперкубокка эга чиқди.