Франция терма жамоаси ҳимоячиси Вильям Салиба Евро-2024 доирасидаги Австрия устидан қозонилган ғалабадан сўнг (1:0) Франция терма жамоаси сардори Килиан Мбаппенинг жароҳатидан хавотир билдирди.
“Бу менинг Франция терма жамоаси учун йирик турнирда илк бор асосий таркибда майдонга тушишим, лекин ҳаммаси яхши ўтди, хурсандман. Мен Килианни ҳали кўрганим йўқ, лекин у хафа бўлганини биламан ва у тузалиб кетишига умид қиламан, чунки у бизга керак. Австрия жуда яхши жамоа, улар узоқ вақт давомида мағлубиятсиз ўйин кўрсатди, шунинг учун биз хурсандмиз. Яхшилаш керак бўлган нарсалар бор, лекин энг муҳими биринчи ўйинда ғалаба қозониш. Биз турнирни яхши бошладик", - дея Салибанинг сўзларидан иқтибос келтиради L'Equipe.
Навбатдаги ўйинда Франция 21 июнь куни Нидерландияга қарши майдонга тушса, шу куни Австрия Польша билан тўқнаш келади.
