Нидерландия терма жамоаси сардори Виржил ван Дейк Франция терма жамоасига қарши ўйиндан сўнг (0:0) журналистлар билан суҳбатлашди.
“Ҳафсаламиз пир бўлди, лекин шу билан бирга жамоамиз ҳимояланганидан ва дарвозани дахлсиз сақлаш учун курашганидан фахрланаман. Гап Франция терма жамоаси савиясидаги жамоа ҳақида кетаётганда рақиб хавфли имкониятларни юзага келтиришини биласиз. Бугун шундай бўлди, лекин руҳиятингизни сақлаб қолиш ва бундай шароитда дарвозани ҳимоя қилишни давом эттириш учун сизга маълум бир чидамлилик керак", - деди Нидерландия сардори.
