Niderlandiya terma jamoasi sardori Virjil van Deyk Fransiya terma jamoasiga qarshi o‘yindan so‘ng (0:0) jurnalistlar bilan suhbatlashdi.
“Hafsalamiz pir bo‘ldi, lekin shu bilan birga jamoamiz himoyalanganidan va darvozani daxlsiz saqlash uchun kurashganidan faxrlanaman. Gap Fransiya terma jamoasi saviyasidagi jamoa haqida ketayotganda raqib xavfli imkoniyatlarni yuzaga keltirishini bilasiz. Bugun shunday bo‘ldi, lekin ruhiyatingizni saqlab qolish va bunday sharoitda darvozani himoya qilishni davom ettirish uchun sizga ma’lum bir chidamlilik kerak", - dedi Niderlandiya sardori.
