Бугун Ўзбекистон Кубоги 1/16 финали доирасида Нукуснинг “Орол” ва “Шўртан” жамоалари Ғузорда куч синашишди, аслида ушбу учрашув Нукусда бўлиши керак эди, аммо техник сабабларга кўра Ғузорга кўчирилган эди.

Учрашув тўлиқ “Шўртан” жамоаси устунлигида ўтди. Учрашувдаги ҳисоб 4-дақиқадаёқ Павел Соломин томонидан очилди, бундан ташқари “оқ бўрилар” учрашув давомида “Орол” жамоаси дарвозасини яна уч марта ишғол этишди. Голларга  Азиз Мансуров, Иброҳим Отахонов, Дилявер Абибуллаевлар муаллифлик қилишди. Учрашувнинг расман “мезбонлар”и эса ягона гол билан жавоб қайтаришди. Голни Азамат Илёсов киритди.

Шундай қилиб, “Шўртан” жамоаси Кубок учун курашнинг кейинги босқичида “Насаф” жамоаси билан туқнаш келади.

Ўзбекистон Кубоги 1/16 финал.

“Орол” (Нукус) – “Шўртан” (Ғузор) 1:4 (0:3)

Голлар: Павел Соломин, Азиз Мансуров, Иброҳим Отахонов, Азамат Илёсов  Дилявер Абибуллаев.