Лондоннинг "Арсенал" клуби ўтган мавсумда "Брентфорд"дан ижара асосида ўйнаган дарвозабон Давид Райя билан доимий равишда шартнома имзолашга яқин турибди.

Gunner Blog нашри маълумотларига кўра, томонлар келишув бўйича аллақачон келишиб олишган, бироқ расмий эълон Райя Испания терма жамоасида бўлган Евро-2024 дан кейин бўлиши кутилмоқда.

Райя ўтган мавсумда "Арсенал"нинг биринчи рақамли дарвозабони бўлди. Испаниялик дарвозабон ушбу трансфер ойнасида бошқа клубга ўтишни ва мунтазам ўйин амалиётига эга бўлмоқчи бўлган Аарон Рамсдэйлни асосий таркибдан чиқариб юборди.