Испания терма жамоаси ва Мадриднинг “Атлетико” клуби марказий ҳужумчиси Альваро Мората ёзги трансфер ойнасида ўз клубини ўзгартириши мумкин. Бу ҳақда Todofichajes портали журналистлари хабар беришди.
Манбага кўра, 31 ёшли ҳужумчида Туркия чемпионатида ишлаш имконияти мавжуд. Испаниялик футболчини Истанбул "Фенербахче" жамоасининг янги бош мураббийи Жозе Моуринони қизиқтирмоқда.
Потенциал трансфер суммаси 15 миллион еврога баҳоланмоқда. Мората "матрасчилар" билан 2026 йилнинг июн ойи охиригача бўлган меҳнат шартномасига кўра боғланган. Ўтган мавсумда Альваро Ла Лигада 32 та ўйин ўтказиб, 15 та гол урди ва 3 та голга ассистентлик қилди.
