"Бавария" "Фулхэм" ярим ҳимоячиси Жоау Палиньянинг трансфери устида ишлашда давом этмоқда.
Португалиялик футболчи ўтган йил давомида мюнхенликларнинг трансфер мақсади бўлиб келган ва яқин орада бу келишув амалга ошади дейилмоқда. "Бавария" шундай деб ўйлайди: клуб раҳбарияти ниҳоятда оптимистик ва узоқ кутилган трансфер яқинлашиб қолганига ишонмоқда, дея хабар беради журналист Тоби Альтшеффл. Пайшанба куни ўтказилган музокаралар муваффақиятли ўтди ва томонларни келишувга яқинлаштирди.
Transfermarkt маълумотларига кўра, Жоау Палиньянинг нархи 55 миллион еврони ташкил қилади. Португалия терма жамоаси ярим ҳимоячисининг "Фулхэм" билан шартномаси 2028 йилгача мўлжалланган.
