Гуруҳ босқичи натижаларига кўра, Европа чемпионатининг энг яхши тўпурарларидан бири Грузия терма жамоасидан Жорж Микаутадзе ҳисобланади - у учта гол урди. Le10SPORT ўз саҳифаларида хабар беришича, "Вест Хэм" 23 ёшли футболчига қизиқиш билдирмоқда. Инглиз клуби Микаутадзенинг трансфери учун "Метц"га 20 миллион евродан кўпроқ пул таклиф қилди.
Қайд этилишича, "Вест Хэм" рақобатга дуч келади - "Ланс" ва "Монако" каби Лига 1 клублари Микаутадзени ўз сафларида кўришни исташади.
2023/2024 йилги мавсумда Жорж Микаутадзе "Метц" сафида 31 та ўйин ўтказиб, 14 та гол урди ва шерикларига 5 та голли узатма берди.