Англия терма жамоаси бош мураббийи Гарет Саутгейт Евро-2024 1/8 финалида Словакия устидан қозонилган ғалаба (2:1) ҳақида фикр билдирди.
“Уч шерлар”нинг рақиблари ўйиннинг 25-дақиқасида олдинга чиқиб олишган бўлса, қўшиб берилган вақтнинг бешинчи дақиқасидаёқ Жуд Беллингем жамоасини мағлубиятдан қутқариб қолди.
Харри Кейн ўйинга нуқта қўйди.
"Мен футболчилар кўрсатган руҳ учун фахрланаман. Ҳамма ўз ҳиссасини қўшди. Биз Беллингемни алмаштириш ҳақида ўйладик, лекин у муҳим дақиқаларда устун бўлиши мумкинлигини ҳамма билади.
Ажойиб. Биз бугун тўп билан яхшироқ муомала қилишимиз кераклигини билдик. Биринчи бўлимда бизга тўғри қарорлар етишмади, аммо танаффусдан сўнг ўзимизни яхшилашга муваффақ бўлдик", — дея Саутгейтнинг сўзларини келтиради BBC.
