"Болонья"нинг техник директори Жованни Сартори марказий ҳимоячи Риккардо Калафьори келажаги ҳақидаги саволга жавоб берди.
Италия терма жамоаси футболчиси "Ювентус" билан май ойида келишувга эришган, бу ҳақда нуфузли манбалар бир неча бор хабар беришган. Шунга қарамай, туринликлар "Болонья"ни кўндира олмагани учун бу трансфер амалга ошмаган кўринади.
Бунинг ўрнига 22 ёшли футболчи Англия Премьер-лигасига ёки бошқа хориж чемпионатига ўтиш эҳтимоли юқори.
"У "Ювентус"га ўтади деб ўйламайман." Балки уни сотишга рози бўлсак хорижга кетар. Биз Риккардони сақлаб қолмоқчимиз, шунинг учун нима бўлишини кўрамиз", - дея Сарторининг сўзларини келтиради инсайдер Фабрицио Романо.
