"Челси"нинг янги футболчиси Марк Гиу "Барселона" таклиф қилган шартлардан қониқмади.
Каталония клуби 18 ёшли футболчи билан хайрлашишни истамади, шунинг учун унга янги шартнома имзолашни таклиф қилишди. Журналист Фернандо Полонинг сўзларига кўра, "Барселона" форвардга йилига 2 миллион евро тўлашга тайёр эди ва агар у келгуси мавсумда ёшлар жамоаси ўйинларининг камида 50 фоизини асосий таркибда бошласа, асосий жамоадан ҳам жой олади. Футболчи унга рад жавобини берди ва кейинроқ “Челси”га ўтишни расмийлаштирди.
Марк Гиунинг трансфери лондонликларга 6 миллион еврога тушди. Испаниялик футболчи инглиз клуби билан 2029 йилгача амал қиладиган ва яна бир мавсумга узайтириш имкониятини кўзда тутувчи шартнома тузди.
