Англия терма жамоаси ярим ҳимоячиси Жуд Беллингем Евро-2024 чорак финалида Швейцарияга қарши ўйинда жамоасининг ўйинини юқори баҳолади.
Инглизлар асосий вақтда Букайо Саканинг 80-дақиқада урган голи эвазига мағлубиятдан қутулиб қолишди. Пенальтилар сериясида “Уч шерлар” бешта зарбани ҳам голга айлантира олди, швейцарияликлар битта хатога йўл қўйишди - Мануэль Аканджи тепган тўпни Жордан Пикфорд қайтарди.
“Умуман олганда, бу бизнинг турнирдаги энг яхши ўйинимиз бўлса керак. Пенальтилар сериясида характер кўрсатдик. Бундай босим остида захирадан майдонга тушгандан сўнг мақсадга эришиш - бу алоҳида нарса.
Мен ҳам жамоамиздаги барча каби пенальтиларга тайёргарлик кўраман. Яхши тайёргарлик сизни хотиржам ҳис қилишда ёрдам беради”, деди Беллингем.
