Мюнхеннинг "Бавария" клуби ҳимоячиси Ким Мин Чже Италия чемпионатига қайтиши мумкин. La Gazzetta dello Sport хабарига кўра, 27 ёшли футболчининг хизматларига "Интер" қизиқиш билдирмоқда. Қайд этилишича, милан клуби жанубий кореялик футболчини ижарага олмоқчи.
Ким Мин Чже ўтган ёздан бери немис клубида тўп тепмоқда, бунгача у "Наполи"да ўйнаган. Ўтган мавсумда ҳимоячи "Бавария" сафида барча турнирлар доирасида 36 та ўйинда қатнашиб, битта гол урди ва жамоадошларига иккита голли узатма берди.
Футболчининг клуб билан шартномаси 2028 йилгача мўлжалланган ва футболчининг трансфер қиймати 45 миллион еврога баҳоланмоқда.
