Миланнинг "Интер" клуби марказий ҳимоячи Марио Эрмосони сотиб олишдан бош тортди. Испаниялик футболчи "Атлетико" билан шартномаси тугаганидан кейин эркин агентга айланди.
"Нерадзуррилар" 29 ёшли футболчига асосий даъвогарлардан бири ҳисобланган, аммо келишув амалга ошмаган кўринади. Бош мураббий Симоне Инзаги ва бошқа кўплаб ходимлар Эрмосонинг номзодини ёқтиришмоқда, аммо клуб хўжайинлари шартнома имзолашга қарши.
Ҳаммаси марказий ҳимоячининг ёши билан боғлиқ. "Интер" бошлиқлари таркибни ёшартирмоқчи ва келажакда фойдали сотила олмайдиган ёши катта футболчиларнинг маошига сармоя киритиш ниятида эмас.
