Бразилия терма жамоасининг собиқ футболчиси Эванилсон пентакампеонларнинг ҳозирги муаммолари ҳақида гапирди.
Бразилияликлар 2024 йилги Америка Кубогида муваффақиятсизликка учрадилар, чорак финал босқичида Уругвай терма жамоаси томонидан мағлуб бўлишди.
Учрашувнинг асосий вақти голсиз дуранг билан якунланди ва пенальтилар сериясида уругвайликлар аниқроқ ҳаракат қилишди (4:2).
"Бразилия терма жамоасини нималар кутаётгани ҳақида гапириш қийин. Таркиб бўйича бошқа жамоалардан анча орқадамиз.
Бизда ажойиб ўйинчилар кўп, аммо яхлит жамоа йўқ. Бизга 2002 йилги жаҳон чемпионатида бўлгани каби барчани бирлаштириб, ўйинчилар гуруҳидан ҳақиқий жамоа тузадиган шахс керак", - деди Эванилсон.
