Англия терма жамоасининг собиқ бош мураббийи Свен-Йоран Эрикссон Германияда бўлиб ўтаётган Европа чемпионати финали олдидан Гарет Саутгейтга омад тилади.
Якшанба куни Саутгейт шогирдлари Испанияга қарши ҳал қилувчи баҳсда кубокни кўтаришга ҳаракат қилишади.
"Якшанба кунги финалда биз очиқ ўйинни кўрамиз ва менимча, Англияда катта имконият бор.
Охирги бир ҳафта ичида ўзимни яхши ҳис қилмасам ҳам, ўйинни уйдан кузатиб бораман. 1966 йилдан бери катта совринни қўлга киритишга уриниб кўрган ва муваффақиятсизликка учраган ҳар бир мураббий каби Англиянинг ғалаба қозонишини кўришни истардим. Олға, Гарет. Биз қила олмаган нарсани қилинг.
Англия терма жамоаси бош мураббийи бўлиш катта босимни талаб қилади. 1966 йилда сэр Альф Рэмси жамоаси нима қилгани ҳақида тез-тез эшитасиз ва ўша йиллардаги азоб-уқубатларга чек қўйиш учун сиздан нималар кутилаётганини тушунасиз" - деди Свен-Йоран Эрикссон.
