Испания терма жамоаси аъзоси Ламин Ямал йирик турнирларда энг ёш ҳолатда майдонга тушиш бўйича Пеленинг рекордини янгилаган эди. Бразилиялик афсонавий собиқ футболчининг Instagram саҳифасида Ямал эътироф этилди.
"Ушбу ҳафтада биз Пеленинг муҳим рекордини Ламин Ямал исмли йигит янгилаганига гувоҳ бўлдик. Ёш футболчи йирик миллий турнирнинг ярим финалида иштирок этган энг ёш футболчига айланди. Пеле 17 ёшу 244 кунлигида 1958 йилги жаҳон чемпионатида Францияга қарши ўйнаган. Худди шу рақибга қарши ўйинни испаниялик футболчи 16 ёшу 362 кунлигида бошлади.
Пеле жамғармаси Ламин Ямални фаолиятидаги ушбу муҳим босқич билан табриклайди ва бу узоқ ва ғалабали йўлда биринчи қадам бўлишини тилайди", - дейилади хабарда.
