Мадриднинг "Реал" клуби ёзги трансфер ойнасида ҳужумчиларидан бири билан хайрлашишни режалаштирмоқда.

Todofichajes портали хабарига кўра, "Қироллик клуби" бошлиқлари 23 ёшли ҳужумчи Хуан Латасани сотмоқчи. Ўтган мавсумда футболчи Испаниянинг бошқа бир клуби "Хетафе"да ижара асосида ўйнади.

Латаса Испания чемпионатининг 32 учрашувида иштирок этиб, иккита гол урган. 2023/2024 йилги мавсум якунида ҳужумчи "Лос-Бланкос"га қайтди. Футболчининг "Реал" билан шартномаси келаси йилнинг ўрталарига қадар амал қилади. Transfermarkt портали унинг нархини 2,8 миллион еврога баҳоламоқда.