"Локомотив" - "Зенит" ўйинидан кейинги матбуот анжуманида рус журналистлари нима учун Виталий Денисов асосий таркибда майдонга туширилгани ҳақида темирйўлчилар бош мураббийи Славен Биличга савол беришди. "Зенит" гол урган вазиятда "Зенит"нинг бразилиялик футболчиси Халк чап қанотда Денисовни алдад, жарима майдончасига тўпни етказиб берганди.

"Аввалги ўйинларда айрим футболчилар, масалан, сиз айтаётган Роман Шишкин суст ҳаракат қилишгани учун Денисовга имконият берилди. Виталий "Терек"кан қарши ўйинда энг яхши ҳаракат қилган футболчилардан бири бўлганди. Бугунги ўйиннинг биринчи бўлимига нисбатан иккинчи бўлимида Денисов яхши ўйнади. "Зенит" гол урган вазиятда эса фақатгина Денисов хато қилмади. Халк шундай футболчики, унга қарши ўйинда бир нечта футболчи ҳаракат қилиши лозим", дейди "Локо" бош мураббийи Славен Билич.