"Милан"нинг афсонавий собиқ ҳимоячиси Алессандро Костакурта "Милан"нинг янги бош мураббийи Пауло Фонсекага ишонмаяпти.
Унга кўра, клубга бироз бошқача мутахассис керак эди. Шу билан бирга, Костакурта "россонерилар"нинг янги мураббийига муваффақият тилайди.
"Мен даҳо тамғасига эга одамни афзал кўраман - бу Конте, де Зерби ёки Сарри. Шунингдек, Тьяго Мотта ҳам менга ёқади, лекин у бошқа йўлни танлади.
Мен Фонсекани танлаган клубни қўллаб-қувватлашим керак, аммо у билан клуб яна ғалаба қозона бошлашига ишончим комил эмас", - дея Костакуртанинг сўзларини келтиради La Gazette dello Sport.
