"Манчестер Юнайтед" спорт директори Дэн Эшворт ҳужумчи Жошуа Зиркзее билан шартнома имзолагани ҳақида гапирди.
Якшанба куни 23 ёшли нидерландиялик футболчининг трансфери расман эълон қилинди.
"Кучли ҳужумкор ҳужумчи топиш ёзнинг асосий мақсади эди. Биз трансфер кампаниясида шундай савиядаги футболчи билан шартнома имзолаганимиздан жуда хурсандмиз.
Жошуа - "Манчестер Юнайтед"да ўз таъсирини ўтказишга тайёр бўлган ажойиб истеъдод эгаси. Унинг қобилияти ва жаҳон миқёсидаги ўйинчи бўлиб етишиш истаги биз қураётган жамоага ажойиб қўшимча бўлишини англатади", - дея Эшвортнинг сўзларини келтирмоқда клуб матбуот хизмати.
