Евро-2024 финалида Англия терма жамоасига (2:1) қарши ўйинда ғалаба тўпини киритган Испания терма жамоаси ва "Реал Сосьедад" ҳужумчиси Микель Оярсабаль ўзига хос ютуқни қайд этди.
Оярсабаль фаолияти давомида тўртта финалда – Олимпия ўйинлари, Қирол кубоги, Миллатлар лигаси ва Европа чемпионатида иштирок этган. Микель ҳар бир финалда гол урди. Эслатиб ўтамиз, 14 июль куни 2024 йилги Европа чемпионатининг ҳал қилувчи ўйини бўлиб ўтди ва унда Испания ва Англия терма жамоалари тўқнаш келишди. Испания терма жамоаси 2:1 ҳисобида зафар қучди.
Англия терма жамоаси Евро финалида кетма-кет икки марта мағлуб бўлган тарихдаги биринчи жамоа бўлди. Ўз навбатида, Испания терма жамоаси тўртинчи марта Европа чемпионатлигини қўлга киритди. Бу Европанинг барча терма жамоалари орасида рекорд ҳисобланади.
