Мадриднинг “Реал” клуби дарвозабони Андрей Лунин ёзги трансфер ойнасида жамоани тарк этиши мумкин.
Испания матбуоти хабарига кўра, "Лос Бланcос" раҳбарияти украиналик дарвозабонни клуб билан янги шартнома имзолашини истамоқда. Агар бу амалга ошмаса, "Реал" ўз футболчисини сотади. Қайд этилишича, “Реал” дарвозабон учун тахминан 25 миллион евро ишлаб олишни режалаштирган. "Реал Мадрид" Лунинни жамоада биринчи рақамли бўла олмайди, деб ҳисоблайди, аммо улар уни асосий дарвозабон Тибо Куртуанинг ўрнини босувчи сифатида кўришади.
Аввалроқ Лунин ўзи асосий таркибда ўйнайдиган жамоага ўтишни режалаштираётгани ҳақида хабар берилганди.
