Дортмунднинг "Боруссия" клуби спорт директори Себастьян Кель ҳужумчи Серу Гирассининг трансфери борасида ўз фикрларини билдирди.
Гвинеяликнинг келишуви пайшанба куни расман тасдиқланди. 28 ёшли форварднинг трансфери “асаларилар”га 18 миллион еврога тушди.
“Биз Бундеслига, Германия кубоги, Чемпионлар лигаси ва клублар ўртасидаги жаҳон чемпионатида ўз олдимизга қўйган улкан мақсадларга эришмоқчимиз.
Бунга эришиш учун барча позицияларда жаҳон даражасидаги футболчилар керак. Серу жамоамизни кучайтирадиган жуда иқтидорли ва ҳар томонлама ривожланган ҳужумчи.
Биз у барча синовлардан ўтганидан ва энди «Боруссия» сафида голлар ура олишидан жуда хурсандмиз", - дея Келнинг сўзларини келтиради Дортмунд клуби матбуот хизмати.
